E.R. Ejercito(Emilio Ramon Ejercito)

Sino ito?

Si Emilio Ramon Pelayo Ejercito (kapanganakan 5 Oktubre 1963), o mas kilala bilang ER Ejercito at kilala din sa kaniyang opisyal na pangalan sa pelikula bilang Jorge Estregan, George Estregan Jr. at Jeorge "ER" Ejercito Estregan, ay isang Pilipinong aktor na nanilbihan noon bilang Gobernador ng Laguna. Bago pa man siya nahalal bilang gobernador, nanilbihan muna siya bilang alkalde ng Pagsanjan, Laguna. Anak siya ng aktor na si George Estregan at pamangkin ng dating Pangulo at ngayo'y alkalde ng Maynila na si Joseph Estrada. Noong 27 Mayo, 2014, inalis ng Komisyon ng Halalan si Ejercito matapos ang di-umanong sobrang paggasta sa kaniyang kampanya para sa halalan noong 2013; makalipas ang tatlong araw, hinikayat siya ng kaniyang tiyuhing si Alkalde Joseph Estrada para bumaba sa puwesto. Kabataan Ipinanganak si E.R. Ejercito bilang Emilo Ramon Pelayo Ejército noong 5 Oktubre 1963 sa Pagsanjan, Laguna ni Jorge Marcelo Ejercito, isang action star na ginamit ang pangalang pampelikula bilang George Estregan, ng Pagsanjan, Laguna, at ni Ramona Pelayo Ejercito ng Ibajay, Aklan. Nakatira siya sa Kalye B. Cosme, Sitio Mayapa, Brgy. II, Pagsanjan, Laguna.