Dolly Parton

Sino ito?

Si Dolly Rebecca Parton (ipinanganak noong 19 Enero 1946) ay isang Amerikanang mang-aawit na nagsusulat ng awit, may-akda, manunugtog ng maraming iba't ibang mga instrumentong pangmusika (isa siyang multi-instrumentalista), aktres, at pilantropo, na higit na nakikilala dahil sa kanyang mga gawain sa musikang country. Lumitaw siyang bida sa mga pelikulang 9 to 5, The Best Little Whorehouse in Texas, Steel Magnolias, Straight Talk, Unlikely Angel at Joyful Noise. Isa siya sa pinaka matagumpay na mga artistang panglalawigan o pang-country (pangkabukiran) sa lahat ng kapanahhunan; na may tinatayang 100 milyon sa pagbebenta ng mga album. Isa rin siya sa pinaka mabentang mga artista sa lahat ng mga panahon. Nakikilala siya bilang "Ang Reyna ng Tugtuging Country". Noong 2011, napangalanan siya bilang isa sa "100 Hottest Women of All-Time" (100 Pinaka Maiinit na mga Babae sa Lahat ng Panahon) ng Men's Health.