Coco Martin

Sino ito?

Si Rodel Pacheco Nacianceno (ipinanganak Nobyembre 1, 1981), propesyonal na kilala bilang Coco Martin, ay isang Pilipinong actor, direktor, and prodyuser ng pelikula. Kabilang sa kanyang mga obra ay ang mga malayang pelikulang Masahista at Daybreak pati na rin ang teleseryeng Tayong Dalawa at Minsan Lang Kita Iibigin. Sa kasalukuyan, Si Martin ay nakatanggap na ng ilang mga parangal mula sa iba't-ibang kilalang samahan, kabilang na ang Gawad Urian at KBP Golden Dove Awards. Karera Si Martin ay nagsimula sa showbiz bilang isa sa mga kasapi ng Star Magic's Star Circle Batch 9 sa ABS-CBN . Siya ay unang lumabas sa pinilakang-tabing noong 2001 sa pelikulang Luv txt kung saan ang pagpapakilala sa kanya ay ang kanyang tunay na pangalan, Rodel Nacianceno. Matapos nito, siya ay maikling nag-pahinga mula sa pag-arte. Simula noon, si Martin ay lumitaw sa ilang mga patalastas sa telebisyon bago muling bumalik sa pag-arte sa pelikulang Masahista (Masseur) noong 2005. Dahil sa kanyang matapang at mahusay na pag-arte sa pelikulang ito, siya ay ginawaran ng Young Critics Circle Best Actor Award noong 2006. Siya rin ay gumanap sa pelikulang Kaleldo (Summer Heat) noong 2006.