Christopher Marlowe

Sino ito?

Si Christopher Marlowe (bininyagan noong 26 Pebrero 1564 – 30 Mayo 1593) ay isang Ingles na dramatista, makata at mananalinwika noong panahong Elisabetano. Si Marlowe ang pinaka nangungunang trahedyanong Elisabetano noong kaniyang kapanahunan. Malakas ang kaniyang naging impluwensiya kay William Shakespeare, na ipinanganak noong taon din ng kapanganakan ni Marlowe at umangat upang maging isang tanyag na mandudulang Elisabetano pagkaraan ng misteryoso at maagang kamatayan ni Marlowe. Ang mga dula ni Marlowe ay nakikilala dahil sa paggamit ng bersong blanko, at nang kanilang mapaglampas na mga protagonista. Isang mandamyento ng pagpaparakip ang inilabas para sa paghuli kay Marlowe noong 18 Mayo 1593. Walang dahilang ibinigay para rito, bagaman inisip na mayroon itong kaugnayan sa mga elegasyon ng blaspemiya - isang manuskritong pinaniniwalaan na isinulat ni Marlowe na sinasabing naglalaman ng mga diwang heretiko at balakyot. Noong 20 Mayo 1593, dinala siya sa hukuman upang dumalo sa Konsilyo ng Privy upang litisin.