Choi Si-won

Sino ito?

Si Choi Si-won (Koreano: 최시원; Hanja: 崔始源; ipinanganak noong 7 Abril 1986 ngunit opisyal na itinala bilang 10 Pebrero 1987), na mas kilala rin bilang Siwon (Koreano: 시원; Hanja: 始源), ay isang mang-aawit, mananayaw, at modelo na taga Timog Korea. Kinikilala siya bilang kasapi ng bandang K-pop na Super Junior at ng sub-grupo nitong Super Junior-M. Isa siya sa mga apat na artistang Timog Koreano na lumitaw sa tatak pangliham na Tsino. Talambuhay Bago naging mang-aawit at artista Mayroong nakababatang kapatid na babae si Siwon - si Jiwon. Kasalukuyang CEO ang kanyang ama ng Boryung Medience, isang kompanyang parmasyutiko. Nakapagtapos siya sa Gu Jeong High School noong Pebrero 2006. Debotong Protestanteng Kristyano si Siwon, tulad ng binanggit niya sa isang panayam na sa pagtapos ng kanyang karera, nais niyang maging isang misyonaryo. Namataan si Siwon ng isang ahenteng pang-talento mula sa SM Entertainment noong 16 taong gulang pa lamang siya habang hinihintay niya ang kanyang mga kaibigan sa harap ng kanilang paaralang pang-mataasan. Inirekomenda sa kanya ng ahente na mag-awdisyon para sa Starlight Casting System ng naturang kompanya.