Charles III

Sino ito?

Si Charles III ng Reyno Unido (ipinanganak noong 14 Nobyembre 1948 bilang Charles Philip Arthur George) ay ang Hari ng labing-anim na malayang bansang kasapi ng Nasasakupang Kakaraniwang-Yaman. Sa kasalukuyan, ang mga ito ay ang Reyno Unido, Kanada, Australya, Bagong Selanda, Hamayka, Barbados, Bahamas, Grenada, Papua Bagong Ginea, Kapuluang Solomon, Tubalu, Santa Lucia, San Vicente at ang Kagranadinahan, Antigua at Barbuda, Belis, at San Cristobal at Niyebes. Siya ang panganay na anak nina Elizabeth II at Prinsipe Philip, Duke ng Edinburgh. Hinawakan niya ang mga titulo na Prinsipe ng Wales at Earl ng Chester noong 1958 hanggang sa kanyang pag-akyat bilang hari noong 2022. Ikinasal si Prinsipe Charles sa kaniyang unang asawang si Diana, Prinsesa ng Wales magmula noong 1981 hanggang sa magdiborsiyo sila noong 1996. Nagkaroon sila ng dalawang mga anak na lalaking sina Prinsipe William at Prinsipe Harry. Ikinasal si Charles sa kaniyang pangalawang asawang si Camilla, Dukesa ng Cornwall magmula noong 2005.