Celia Cruz

Sino ito?

Si Úrsula Hilaria Celia de la Caridad Cruz Alfonso, na kilala rin bilang Celia Cruz (Oktubre 21, 1925 – Hulyo 16, 2003) ay isang Kubano-Amerikanong mang-aawit at tagapagtanghal ng salsa. Isa siya sa pinakatanyag na artista ng salsa, at umani ng dalawampu't tatlong gintong album at tumanggap ng National Medal of Arts. Kilala siya sa buong mundo bilang Reyna ng Salsa', "La Guarachera de Cuba", at bilang "Reyna ng Musikang Latino". Pagkabata Si Úrsula Hilaria Celia de la Caridad Cruz Alfonso ay ipinanganak noong Oktubre 21, 1925 sa Santos Suárez sa Havana, Cuba, ang ikalawa sa apat na magkakapatid. Ang kanyang ama, si Simon Cruz, ay isang tagagawa ng riles ng tren, at ang kanyang ina, si Catalina Alfonso, ay maybahay na nag-aalaga sa ibang mga kamag-anak. Habang lumalaki sa Kuba sa iba't ibang uri ng musika noong dekada '30, nakikinig si Cruz sa maraming musikero na nakaimpluwensiya sa kanyang karera, kabilang sina Fernando Collazo, Abelardo Barroso, Pablo Quevedo at Arsenio Rodríguez.