Cecil Mamiit

Sino ito?

Si Cecil Valdeavilla Mamiit (ipinanganak Hunyo 27, 1976 sa Los Angeles, California) ay manlalaro ng tennis mula Estados Unidos na kumatawan ng Pilipinas. Sinimulan niya ang kaniyang propesyonal na karera noong 1996. Naabot niya ang pinakamataas na ranggong sa singles sa ATP Tour noong Oktubre 11, 1999, nang siya'y naging pang-72 sa buong mundo. Personal na buhay Ipinanganak si Mamiit noong Hunyo 27, 1976 sa Los Angeles, California. Nag-iisa siyang anak nina Cesar Mamiit at Felisa Valdeavilla na pawang tubong Alaminos, Laguna at Sariaya, Quezon sa Pilipinas, ayon sa pagkakasunod. Dahil naglalaro ng tennis ang kaniyang mga nakatatandang pinsan, hinikayat siyang ng kaniyang tiyuhin at mga magulang na subukan ang laro sa edad na anim. Pumasok siya sa Nick Bollettieri Sports Academy kung saan siya'y nakapaglaro sa mga pagsasanay nina Boris Becker, Petr Korda, Mary Pierce at Monica Seles. Karera Noong 1996, habang freshman sa University of Southern California, napanalunan niya ang NCAA singles championship, na wala pang nakakagawa mula nang pumasok sa Stanford University si John McEnroe noong 1978.