Catriona Gray

Sino ito?

Si Catriona Elisa Gray (ipinanganak noong ika-6 ng Enero, 1994) ay isang Pilipina-Australyanang modelo, aktres, mang-aawit, visual artist, at beauty pageant titleholder na noon ay nakoronahan bilang Miss Universe 2018. Siya ang ika-apat na Pinay na nanalo sa nasabing patimpalak. Bago siya nakoronahan bilang Miss Universe, siya ay unang nagwagi at nakoronahan sa Miss World Philippines 2016. Buhay at pag-aaral Si Gray ay isinilang sa Cairns, Queensland sa ama na isang Scottish na si Ian Gray, mula sa Fraserburgh, at isang Pilipinang ina na si Normita Ragas Magnayon na tubong Oas, Albay. Ang kaniyang pangalan ay isinunod sa pangalan ng ina ng kanyang ama na si Catherine Gray (née Ross), isang imigrante sa Kanlurang Australia mula sa Scotland sa taong 1952 at kay Elsa Magnayon (née Ragas), ang lola niya mula sa kaniyang ina mula sa Oas, Albay, Pilipinas. Si Gray ay isang mag-aaral sa Trinity Anglican School sa Cairns kung saan siya ay kapitan ng bahay at isang chorister ng paaralan. Nakatanggap siya ng sertipiko ng master sa teorya ng musika mula sa online na paaralan ng Berklee College of Music sa Boston, Massachusetts.