Carl Sagan

Sino ito?

Si Carl Edward Sagan ( /ˈseɪɡən/; 9 Nobyembre 1934 – 20 Disyembre 1996) ay isang Amerikanong astronomo, astropisiko, kosmologo, manunulat, tagapagpasikat ng agham, at komunikador ng agham sa astronomiya at mga natural na agham. Kanyang ginugol ang karamihan ng kanyang karera bilang propesor ng astronomiya sa Cornell University kung saan niya pinangasiwaan ang Laboratory for Planetary Studies. Naglimbag siya ng higit sa 600 mga papel pang-agham gayundin mga artikulo at may akda, kapwa may akda o editor ng higit sa 20 aklat. Kanyang itinaguyod ang skeptikal na pagsisiyasat at pamamaraang siyentipiko, pinangunahan ang eksobiolohiya at itinaguyod ang Search for Extra-Terrestrial Intelligence (SETI). Si Sagan ay kilala sa kanyang mga aklat ng popular na agham at para sa kanyang nagwagi ng gantimpalang seryeng pantelebisyon noong 1980 na Cosmos: A Personal Voyage na kanyang isinalaysay at kapwa isinulat. Ang aklat na Cosmos ay inilimbag upang samahan ang serye. Isinulat ni Sagan ang nobelang Contact na basehan ng pelikula noong 1997 na Contact.