C. S. Lewis

Sino ito?

Si Clive Staples Lewis (29 Nobyembre 1898 – 22 Nobyembre 1963) ay isang Briton na nobelista, makata, akademiko, medyebalista, kritikong pampanitikan, sanaysay, teologong pangkaraniwan, tagapagbalita sa radyo, lektor, at apolohetikong Kristiyano. Pinakakilala siya para sa kanyang mga gawang piksyon, lalo na ang The Screwtape Letters, The Chronicles of Narnia, at The Space Trilogy, at para na kanyang mga 'di-piksyon na apolohetikang Kristiyano, tulad ng Mere Christianity, Miracles, at The Problem of Pain. Si Lewis at kapwa nobelistang si J. R. R. Tolkien ay malapit na magkaibigan. Sila ay parehong nagsilbi sa kaguruan ng Ingles sa Oxford University, at naging aktibo sa impormal na grupo ng pampanitikan sa Oxford na kinilala bilang ang Inklings. Ayon sa talang-gunita ni Lewis na Surprised by Joy, nabautismuhan siya sa Simbahan ng Irlanda, ngunit nahulog mula sa kanyang pananampalataya sa pagbibinata. Bumalik si Lewis sa Anglikanismo sa edad na 32, dahil sa impluwensya ni Tolkien at iba pang mga kaibigan, at naging "karaniwang ordinaryong tao ng Simbahan ng Inglatera". Nagsulat si Lewis ng mahigit 30 aklat, na naisalin sa mahigit 30 wika at nakapagbenta ng mga milyon na kopya.