Blaise Pascal

Sino ito?

Si Blaise Pascal (1623 - 1662) ay isang Pranses na matematikong namatay ang ina noong tatlong taong gulang pa lamang siya. Siya ay ang pangatlong anak ng isang pamilya na lumipat sa Paris matapos pumanaw ang kanyang ina. Itinuring si Pascal bilang isang batang may kahanga-hangang kakayahan at katalinuhan. Bagaman higit na kilala sa kanyang mga nagawa para sa larangan ng matematika, kabilang ang paglikha ng Tatsulok ni Pascal na pinangalanan mula sa kanyang apelyido, at maging sa mga kaunlaran sa larangan ng probabilidad, isa ring siyentipiko si Pascal. Sumulat siyang tinatangkilik ang paraang makaagham o metodong siyentipiko at nag-ambag rin sa larangan ng pisika. Sa paglaon, nagsulat siya ng dalawang mga aklat ukol sa Kristiyanismo. Ipinanganak si Pascal sa Clermont, Pransiya at namatay sa Paris, Pransiya sa gulang na 39. Namatay siya dahil sa isang malignanteng ulser sa tiyan. Mga sanggunian Ang lathalaing ito na tungkol sa Talambuhay, Pransiya at Matematiko ay isang usbong. Makatutulong ka sa Wikipedia sa pagpapalawig nito.