Benito Mussolini

Sino ito?

Si Benito Amilcare Andrea Mussolini, GCB KSMOM GCTE (29 Hulyo 1883, Predappio, Forlì, Italya – 28 Abril 1945, Giulino di Mezzegra, Italya) ay Italyanong politiko na pinamunuan ang Pambansang Pasismong Partido at binibigyan kredito sa pagiging isa sa mga susing mga tauhan sa pagkalikha ng Pasismo. Siya ang pinunong Pasista (Fascist) ng Italya noong Ikalawang Digmaang Pandaigdig. Naging Punong Ministro siya ng Italya noong 1922 at may titulong Il Duce noong 1925. Noong 1936, ang opisyal na titulo niya ay "Ang Kanyang Kabunyian Benito Mussolini, Pinuno ng Pamahalaa, Duce ng Pasismo, at Nagtatag ng Imperyo" ("His Excellency Benito Mussolini, Head of Government, Duce of Fascism, and Founder of the Empire"). Nilikha din Mussolini ang ranggo sa militar na Unang Mariskal ng Imperyo sa tabi ng Haring Victor Emmanuel III ng Italya, na nagbigay sa kanya at ng Hari ng kataas-taasang pamamahala ng militar ng Italya. Nanatili si Mussolini sa kapangyarihan hanggang pinalitan siya noong 1943; sa maikling panahon pagkatapos nito hanggang kamatayan niya, naging pinuno siya ng Italyanong Republikang Panlipunan.