Barbie Forteza

Sino ito?

Si Barbara "Barbie" Ambas Forteza (ipinanganak noong Hulyo 31, 1997) Siya ay isang Pilipinong aktres, mang-aawit, at tagapagtanghal sa telebisyon. Siya ay tinaguriang Kapuso Primetime Princess . Ang kanyang mga pelikulang pinupuri ng mga kritiko at netizen ay ang Mariquina (2014), Laut (2016), Tuos (2017) at Almost a Love Story (2018). Siya ay kilala sa pagganap bilang matatapang at malakas na mga babaeng karakter sa iba't mga serye, drama, at palabas tulad ng The Half Sisters (2014), Meant to Be (2017), Anak ni Waray vs. Anak ni Biday (2020). Mas nakilala si Forteza matapos nitong magbida sa mga seryeng drama sa telebisyon tulad ng Maria Clara at Ibarra (2022), Maging Sino Ka Man (2023) at Pulang Araw (2024). Si Forteza ay nakatanggap naman ng ilang internasyonal at lokal na parangal kabilang na dito ang Fantasporto International Film Festival Best Actress Award, Cinemalaya Independent Film Festival Best Supporting Actress Award, PMPC Star Awards for Movies New Movie Actress of the Year, tatlong Gawad Pasado Awards, isang FAMAS Award at mga nominasyon para sa Seoul International Drama Award, Gawad Urian Award, Luna Award, Young Critics Circle Award at The EDDY's Award .