Averroes

Sino ito?

Si Abu al-Walid Muhammad ibn Ahmad ibn Rushd, na binabaybay din bilang abu-al-Walid Muhammad ibn-Ahmad ibn-Rushd o kaya ʾAbū l-Walīd Muḥammad bin ʾAḥmad bin Rušd (Arabe: أبو الوليد محمد بن احمد بن رشد), at mas nakikilala bilang Ibn Rushd (Arabe: ابن رشد) o sa anyong Latinisado ng kaniyang pangalan na Averroës ( /əˈvɛroʊ.iːz/; 14 Abril 1126 – 10 Disyembre 1198) o Averroes, ay isang polimatang Muslim na Andalusiano na namuhay sa isang namumukod-tanging kapanahunan sa kasaysayan intelektuwal ng Kanluraning Mundo, kung kailan ang pagtuon sa mga larangan ng pilosopiya at teolohiya ay kumakaunti sa mundo ng mga Muslim at nagsisimula pa lamang na yumabong sa Kakristiyanuhang Latin. Lumitaw at bumangon magmula sa ganitong mga kalagayang maputla ang mga pilosopong Muslim na Kastila, na ang hukom (hurista) at manggagamot na si Ibn Rushd ang naging itinuturing bilang ang pinakahuli at pinakamaipluwensiyang pilosopong Muslim, natatangi na para sa mga nakamana ng tradisyon ng pilosopiiyang Muslim sa Kanluran.