Anushka Shetty

Sino ito?

Si Anushka Shetty ay isang aktres na Indyan na lumalabas sa mga pelikulang Telugu at Tamil. Una siyang lumabas sa pelikula sa pelikulang Telugu noong 2015 na Super ni Puri Jagannadh, at lumabas sa Mahanandi, na ipinalabas sa parehong taon. Sa sumunod na taon, nagkaroon siya ng apat na pagganap, kung saan ang pinakauna ay ang Vikramarkudu ni S. S. Rajamouli, na nakatulong upang makilala si Shetty, na nanundan ng Astram (isang remake ng pelikulang Hindi noong 1999 na Sarfarosh), ang pelikulang Rendu sa direksyon ni Sundar C. (na siyang pinakauna niyang paglabas sa Tamil cinema), at isang espesyal na paglabas sa pelikulang Telugu na Stalin ni AR Murugadoss. Nagkaroon siya ng dalawang pagganap noong 2007: ang Lakshyam at Don. Noong 2008, siya ay lumabas sa anim na pelikula, kasama rito ang Okka Magaadu, Swagatam at Souryam. Taong 2009, si Shetty ay gumanap ng dalawang papel sa pelikulang pantasyang Arundhati. Nabigyan siya nito ng Nandi Special Jury Award at Filmfare Best Telugu Actress Award. Ang kanyang sumunod na paglabas sa taon ito ay sa Billa, isang remake sa Teluguna ng pelikulang may parehong titulo.