Amelia Earhart

Sino ito?

Si Amelia Mary Earhart ( /ˈɛərhɑrt/ AIR-hart ; ay isinilang noong Hulyo 24, 1897; nawala noong Hulyo 2, 1937; at idineklarang patay noong Enero 5, 1939) ay isang Amerikanang piloto at manunulat. Si Earhart ang unang babaeng piloto na lumipad nang solo sa Karagatang Atlantiko. Nagtakda siya ng maraming iba pang mga rekord, Sya ay isa sa mga unang piloto na nagsulong ng komersyal na paglalakbay sa himpapawid, nagsulat ng pinakamabentang libro tungkol sa kanyang mga karanasan sa paglipad, at naging instrumento sa pagbuo ng The Ninety-Nines, isang organisasyon para sa mga babaeng piloto. Ipinanganak at lumaki sa Atchison, Kansas, at nang maglaon sa Des Moines, Iowa, si Earhart ay nagkaroon ng hilig sa pakikipagsapalaran sa murang edad, na patuloy na nakakakuha ng mga karanasan sa paglipad mula sa edad na bente. Noong 1928, si Earhart ang naging unang babaeng pasahero na tumawid sa Atlantiko sa pamamagitan ng eroplano (kasama ang piloto na si Wilmer Stultz), kung saan nakamit niya ang katanyagan dahil dito. Noong 1932, sa pag-piloto ng Lockheed Vega 5B, si Earhart ay gumawa ng walang-hintong solong transatlantic na paglipad, na naging unang babae na nakamit ang gayong tagumpay.