Pepe Smith

Sino ito?

Si Joseph William Feliciano Smith (25 Disyembre 1947 – 28 Enero 2019) ay isang Pilipino-Amerikanong mang-aawit a taga katha ng awitin, tambolista at gitarista. Kilala sa kanyang mga pangalan sa entablado na Joey Smith at Pepe Smith, nakilala siya bilang miyembro ng Juan de la Cruz Band, na naging kauna-unahang pigura sa orihinal na Filipino rock music o "Pinoy rock". Maagang buhay Ipinanganak si Smith noong 25 Disyembre 1947 ng kanyang mga magulang na sina Edgar William Smith, isang US serviceman, at Conchita Feliciano, tubong Angeles, Pampanga, kung saan matatagpuan ang Clark Air Force base noon. Noong siya ay walong taong gulang, naghiwalay ang kanyang mga magulang, ang kanyang ina naman ay namatay dahil sa hepatitis. Si Smith at ang kanyang nakababatang kapatid na si Raymond ay tumira sa kanilang lola, si Concordia Go, sa Kamuning, Quezon City. Maagang karera Natutunan ni Smith na tumugtog ng mga tambol sa edad na 9, at binuo ang kanyang unang rock band sa edad na 11, noong 1959. Ang grupong ito, na binubuo ng mga kaibigan nya mula sa distrito ng Kamuning, ay unang tinawag na The Blue Jazzers, kalaunan ay naging The Villains, pagkatapos ay The Surfers.